سمر نديم توجه رسالة لمتابعيها: «مش هرمي الناس في الشارع حتى لو هخدم في البيوت عشانهم»
وجهت سمر نديم رسالة لمتابعيها على تضامنهم معها في أزمة دار زهرة مصر، ووقف ترخيص جمع المال أو إغلاق الدار بناءً على تعليمات وزارة التضامن، معربة عن حبها بمشاعر المحيطين بها من رواد السوشيال ميديا.
سمر نديم
وأضافت سمر نديم في مقطع فيديو عبر صفحتها الرسمية على موقع "فيسبوك"،: "مبسوطة بإحساس المتابعين أنهم بيحسوا بيا وبغيابي وبحزني وتعبيرات وشي".
وتابعت: "الفترة دي في حاجات غريبة جدًا، الناس عايزة توقفني عن فعل الخير، وعايزاني أرمي الناس في الشارع وأقفل دار زهرة مصر، ترخيص جمع المال وقف وأنا مكملة، وده دليل على أمانتي ومصداقيتي وبحبي للناس وفعل الخير".
واستكملت: "لحد آخر نفس لو مفيش فلوس أو أرباح هفضل مكملة.. مش هرمي الناس في الشارع حتى لو هخدم في البيوت عشانهم".
وعلقت: "أنا اتحملت كتير ومتحملة عشان سيدات القصر دول مسئولين مني ومقدرش اتخلى عنهم".
وقالت: "أنا دايمًا بحارب اليأس والإحباط لكني الفترة دي حاسة أنه خلاص مش قادرة استوعب اللي بيحصل معايا نفسيًا وجسديًا، لكني متأكدة وعندي يقين أن ربنا معايا ومع كل عسر يسر".
