«بكلام من القلب».. سمر نديم تودع معرض الكتاب 2024.. وتروي قصة انطلاق دار زهرة مصر
ودعت سمر نديم، معرض الكتاب 2024 بدورته الـ 55 بمركز مصر للمعارض والمؤتمرات الدولية، بالتجمع الخامس، تحت شعار «نصنع المعرفة نصون الكلمة».
كتب سمر نديم في معرض الكتاب
وشاركت سمر نديم في معرض الكتاب بـ 4 كتب عن قصص حقيقية وهم: «كتاب سمر وجليلة الأقرب لقلبي كتبته بمشاعر، بالإضافة كتاب المعرفة عن حياتي، وكتاب زهرة مصر، و كتاب مشرد حول العالم ٢».
قصة دار زهرة مصر للكبار بلا مأوى
وكشفت سمر نديم عن انطلاق دار زهرة مصر في كتابها، قائلة البداية كانت برسالة على صفحة زهرة مصر باجتماع مع فريق التدخل السريع ووزارة التضامن الاجتماعي لإنشاء دار زهرة مصر للكبار بلا مأوى.
وتابعت: «بدأت المشوار وكملت الطريق بإنقاذ الناس الطبيين اللي محتاجين يعيشوا حياة كريمة وبلا مأوى وفتح الدار وحلفت يكون عندي إصرار وعزيمة عشان أقدر أكمل».
وأضافت: «من هنا الحكايات بدأت ولم تنتهي حتى الآن في استغاثات بتوجع قلبي ومش بتحمل أشوفهم كده من غير ما أساعدهم رغم التحديات الكثيرة».
واستكملت: «قصة كتاب سمر وجليلة وأنا في مرة بقولها سيرتنا هتبقى في الكتب والروايات وهيحكي العالم عنا، وبعد كده لاقيتها في مرة بتقولي اكتبي كتاب عن سمر وجليلة وهي فعلا بتحبني وبتكلم عني من قلبها وبحس معها بالأمن والآمان».
واختتمت: «كل النزلاء بعاملهم كأنهم من دمي ومن قلبي أرجوكم أنتوا كمان حافظوا على أهلكم هما مش محتاجين أكتر من الحب والرعاية».
