شاهد بالفيديو.. سمر نديم تستقبل ضحى في منزلها ”ضحى بنتى وأنا بحبها”
نشرت الدكتورة "سمر نديم" عبر صفحتها الشخصية على مواقع التواصل الاجتماعي فيسبوك، فيديو لها لحظة أستقبالها ضحى في منزلها.
وقالت "نديم": "ضحى بالنسبة ليا بنتى ، بحس انها طفلة صغيرة محتاجة حب واهتمام وعيلة، نفسها تفرح كفاية عليا انها بتقولى ربنا عوضنى بيكى ، "ضحى" النهاردة وهى في بيتى احساسي بيها انها فرحانة احساس ما يتوصفش يتحس بس ، مشاعر كبيرة جميلة "ضحى" افتقدت كل حاجة وان شاء الله ربنا يجعلنى لها السند والأمن والامان ، تعرفوا هى كدة حست بالثقة حست ان في حد مهتم بيها ، ده علاج فى حد ذاته ان الانسان يحس بالاهتمام وأنه مرغوب فيه فتحت لها دولابي قولتلها ده بيتك التانى ياضحى قالتلى مكنتش اعرف انك بتحبينى كدة وتدخلينى كمان غرفتك فضلت تعيط هى بس كانت محتاجة ام او اخت او صديقة وان شاء الله اعوضها عن كل ده ، ساعات بحط نفسي مكان ضحى واقول يالله بنت في سنها وعمرها ده ما شافتش حب ولا حنان من حد ربنا يعينها يارب يارب يارب هون علينا مصاعب الدنيا يارب وعوضنا خير يارب اهم من الإنقاذ هو العلاج المعنوى بيفرق كتير كتير حبيبتى يا ضحى.
وفي وقت سابق، ذكرت "نديم"، انها انشأت دار زهرة مصر لأجل أن تحتضن ضحى التى كانت في ذلك الوقت صغير ووالدها تركها في الشوارع، وعندما جاءتنى استغاثه ضحى ذهبت لإنقاذها وصدمت من أنها فتاه صغيرة تمكث في الشوارع خفت عليها من أنها تهان أو تغتصب أو يفعل لها شئ وبالفعل أخذتها معي وذهب لأحدى دور الرعايه لتأخذها ورفضوا أخذها ومن هنا قررت عمل المؤسسة لكي لا اترك ضحى في الشوارع خوفا عليها.
وأكملت، بحبها جدا وبخاف عليها من اى شئ، خصوصا انها عانت كثير في منزل والدها الذي بلا قلب ولا رحمة، والحمدلله هى اتحسنت كثير مع العلاج وكمان مع شعورها بالحب والأمان داخل الدار.
