سمر نديم: أنقذ المشردات من الشوارع ولكني أخاف من أهوال الحاقدين والحاسدين
نشرت "سمر نديم" عبر صفحتها الشخصية على مواقع التواصل الاجتماعي فيسبوك، صور تعبر فيها عن أحزانها.
وقالت في مقاله قد نشرتها على صفحتها: " تعبت جداً في حياتي عشان اقدر أوصل للي أنا فيه اللي هو مساعدة الناس المظلومين المسنين اللي محطوطين على الهامش ومهمشين ، محدش نظر اليهم بعين الرحمة والإنسانية ويوم ما فكرت إني أساعدهم أنا كمان اتهمشت و اتنسيت وكأنى لم اكن ، هل التعامل وانقاذ المشردين اللى هما مظلومين ومهمشين حاجة وحشة ولا أنا مش فاهمة إيه اللي بيحصل حواليا حاسة أنى دخلت جحر من الظلم وجحود وناس بتأذي لمجرد أنى بساعد الغلابة ، ناس كتير واقفة في وشي و بتهاجمني معرفش ليه ، عملت إيه وحش لو عملت حاجة واجهوني أنا بظهر الحب والرحمة والجبر والإنسانية وازاى بعد ما كان في حد بين الحياة والموت بقي حي بأمر الله الواحد الأحد
مش عارفه احنا فين وليه بيحصل كل ده ولمصلحة مين بجد مش متخيلة ان المجال الخيرى فيه وحوش متوحشة دعوا الخلق للخالق لنا الله ، أرحمني يا رب من ظلم البشر يا رب يا رب بقي هذه الليلة الكريمة المفترجة انصرنى نصرنا عزيزاً مقتدراً.
بهذه الكلمات عبرت "نديم" عن ما بداخلها من هموم وأحزان وعدم القدرة على تحمل مصاعب الدنيا وما يفاجأها به بعض المتابعين لها من أتهمات، هل جزاء الخير الانتقاد بالسلب.
