أهلاوي ولا زملكاوي؟ أمير كرارة يجيب ويكشف قصته مع مباراة الأهلي والزمالك

أمير كرارة، قال الفنان أمير كرارة: "مبفكرش ولا بحلم إلا لأولادي وعايز أشوفهم أحسن الناس في الدنيا، بحلم أشوف ابني أحسن مني بكتير".

سليم ابن أمير كرارة

وأضاف خلال الجزء الثاني من برنامج "حبر سري" الذي تقدمه الإعلامية أسما إبراهيم بقناة "القاهرة والناس": "ابني سليم بيحب الكرة وده حبيبي وبحلم إني أشوفه بيحقق حلمه ونفسي أبقى في ضهره لحد لما يحقق ويعمل كل اللي نفسه يعمله".

أهلاوي ولا زملكاوي؟ أمير كرارة يجيب

وتابع الفنان أمير كرارة: "سليم ابني أهلاوي وبيحب شيكابالا، وأنا المفروض أهلاوي وكنت مرة بتفرج على ماتش أهلي وزمالك وفي نص الماتش شيكابالا حط الكرة في المقص فجأة شجعت وفرحت للجون اللي أحرز لقيت سليم ابني بيقولي إيه أنت زملكاوي يا بابا قلت له والمصحف يا ابني مش عارف بس أنا بحب اللعبة الحلوة، بس أنا في الآخر أهلاوي".

في الجزء الأول من اللقاء، دخل الفنان أمير كرارة، في نوبة بكاء علي الهواء، بعد عرض صورة والده، قائلا: "ده الشخص الوحيد اللي معرفش أمسك نفسي لما أشوفه".

والد أمير كرارة

وتابع خلال لقائه ببرنامج "حبر سري" الذي تقدمه أسما إبراهيم بقناة "القاهرة والناس":"أبويا كان أغلى حاجة في حياتي الله يرحمه".

أكثر مشهد لأمير كرارة

وعن أكثر المشاهد التي أثرت عليه نفسيا، أكد أمير كرارة: "تعبت نفسيا وجسديا في الحلقة 28 بمسلسل الاختيار لحظة استشهاد أحمد المنسى لإن كان في 2 كانوا موجودين معاه في العملية وشرحوا لي كل التفاصيل، وتعبت واتضايقت أكتر لما ولادي يتفرجوا علي المشهد وقلت هيحسوا بإيه اكيد هيبقى مشهد صعب عليهم، احساس صعب جدا ولكن اي حد يتمنى يستشهد ويعمل البطولة اللي عملها أحمد المنسي".